Kapen 600 kg kokainë në Valencia, 8 të arrestuar. ‘Noteri’ i dërgesës ishte shqiptar
8 burra, mes tyre dhe një shqiptar, u arrestuan mbrëmjen e së hënës së kaluar nga Garda Civile në Valencia pasi u kapën teksa merrnin pakot e një ngarkesë prej 600 kilogramësh kokainë.
Lënda narkotike ishte fshehur në fundin e dyfishtë të një kontejneri në det.
Këtë të enjte 8 të arrestuarit u pranuan në burg, ndërsa vetëm 3 prej tyre kanë pranuar të dëshmojnë.
Kjo dërgesë u nis nga porti i Callao, në Peru, e ngarkuar me avokado dhe mbërriti në Valencia dy javë më parë. Frutat ndaluan në një zonë industriale në Malaga, aty ku po bëhej dhe shkarkimi i kokainës së ndarë me pako për t’u futur në një furgon. Mes narkotrafikantëve, 8 ishin spanjollë dhe një shqiptar.
Ky i fundit vepronte si ‘noter’ i dërgesës për organizatën importuese të drogës, pra grupi kriminal që paguante dërgesën te prodhuesit kolumbianë dhe më pas kujdesej për shpërndarjen e saj.
Policia sekuestron rreth 1200 kilogramë kokainë për një javë
Kjo është ngarkesa e dytë e kësaj rëndësie e kapur në Valencia brenda pak ditësh. Më parë u kapën 561 kilogramë kokainë.
Në atë rast, droga ishte fshehur brenda gjashtë cilindrave metalikë që ishin pjesë e një ngarkese me skrap nga Panamaja. Agjentët antidrogë arrestuan katër persona, tre burra dhe një grua.
LEXONI GJITHASHTU:
Erion Braçe del kundër Ramës për Zvërnecin (VIDEO)
Vrasja e policit gjatë operacionit në Maliq, Lamallari nga Trauma: Hetim i thelluar mbi përgjegjësitë
Plumba mbi policinë, vritet efektivi në krye të detyrës, plagoset kolegu i tij
- 14:12 Ushtria amerikane sulm ndaj një anije të dyshuar me drogë në Oqeanin Paqësor, dy viktima
- 14:05 Erion Braçe del kundër Ramës për Zvërnecin (VIDEO)
- 13:54 Vjosa Osmani në Gjilan: Besojmë në punë, rezultate dhe aleancën me ShBA-në
- 13:47 Vrasja e policit gjatë operacionit në Maliq, Lamallari nga Trauma: Hetim i thelluar mbi përgjegjësitë
- 13:36 Prishtina solidarizohet me Tiranën, protestë kundër investimit në Zvërnec
- 13:34 Samiti BE-Ballkani Perëndimor më 5 qershor, zbardhen pikat kryesore të agjendës