Bashkia Shkodër: Zef Deda la pas një rol të pazëvëndësueshëm në skenat shqiptare

Bashkia Shkodër ka reaguar në lidhje me ndarjen nga jeta të aktorit të madh të humorit Zef Deda.

Në një postim që ka bërë në rrjetet sociale, Bashkia shkruan se aktori dhe artisti i njohur la pas një rol të pazëvëndësueshëm në skenat shqiptare.

“Sot, Shkodra dhe bota e artit dhe humorit ndihen të tronditur nga lajmi i ndarjes nga jeta të Zef Dedës, një figurë e shquar e humorit shqiptar. Aktori dhe artisti i njohur la pas një rol të pazëvëndësueshëm në skenat shqiptare.

Zef Deda i cilësuar edhe si Charlie Chaplin i Shqipërisë, lindi në Shkodër më 27 korrik 1950.

Ka punuar për më shumë se 40-vite në Teatrin Migjeni të Shkodrës. Talenti i tij spikat që në moshë të vogël. Me një shkathtësi dhe me një plastikë të shkelqyër psiko-fizike ai arrine të realizojë qindra figura artistike. Zef Deda gjithashtu ka interprertuar edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.

Homazhet do të mbahe

n ditën e Shtunë në Teatrin “Migjeni” nga ora 9:00 – 12:00. Më pas kortezhi mortor do të shoqërohet nga banda e qytetit në lamtumirën e fundit në varrezat e Rrmajit”- shkruan Bashkia.

LEXONI GJITHASHTU: 

• Berisha mban një minutë zi: Zef Deda ia kushtoi dhuntinë e tij të vërtetave të artit
• Kapen 600 kg kokainë në Valencia, 8 të arrestuar. ‘Noteri’ i dërgesës ishte shqiptar