Ndërroi jetë pas shoqërimit në komisariat, prokuroria pushon çështjen për Kurtin

Prokuroria e Tiranës ka vendosur të pushojë çështjen për vdekjen e 32 vjeçarit Leart Kurti. Sipas hetimeve ka rezultuar se vdekja ka ardhur nga mbidoza e lëndës narkotike sipas ekspertizës së mjekësisë ligjore. Kërkesa e prokurorisë së bashku me rezultatet e hetimit është dorëzuar në gjykatë. Ngjarja ndodhi më 22 tetor të vitit të kaluar.

Mbrëmjen e 19 tetorit 2022, punonjësit e Komisariatit të Policisë Nr. 3, gjatë patrullimit në Rr. “Riza Çuka” në zonën e Laprakës kanë konstatuar Laert Kurtin duke qëndruar përpara një biznesi privat, për të cilin kushtet dhe rrethanat diktonin nevojën e një verifikimi.

Në momentin kur punonjësit e Policisë, i kanë kërkuar dokumentin e identifikimit, Kurti është larguar me vrap, duke mos iu bindur thirrjeve të njëpasnjëshme të punonjësve të Policisë për të ndaluar.

Pasi ka vrapuar për rreth 200 metra, i ndjekur nga patrulla e Policisë, mes rrugicave midis rrugës “Riza Çuka” dhe “Don Bosko”, ai është kapur dhe ndaluar nga punonjësit e Policisë, vend në të cilin kanë qëndruar 7 minuta.

Në vijim, pasi është qetësuar, i riu është shoqëruar në ambientet e Komisariatit të Policisë Nr. 3 ku ka shfaqur probleme shëndetësore, gjë e cila ka diktuar dërgimin në Spitalin e Traumës, ku është konstatuar humbja e jetës.

LEXONI GJITHASHTU: 

• Ekskluzive/ Itinerari i Lear Kurtit, nga shoqërimi në polici tek humbja e jetës
• Pezullohen 3 policë për vdekjen e Kurtit, vendimi deri në përfundim të hetimeve