“Të bekuar me miqësinë e SHBA-ve”- Basha takim me ish-zv.Presidentin Mike Pence

Kryedemokrati Lulzim Basha është takuar sot me ish-zëvendës presidentin e SHBA-ve, Mike Pence.

Takimi i Bashës me Pence është realizuar në forumin e Unionit Ndërkombëtar Demokrat, gjatë vizitës që Basha po zhvillon në SHBA.

Basha ka thënë se shqiptarët ndihen të bekuar me miqësinë e SHBA-ve, të cilën sipas tij, duhet ta mbrojmë dhe forcojmë edhe më tej.

Reagimi i Bashës:

I ftuar nderi në forumin e Unionit Ndërkombëtar Demokrat, ishte sot ish-zëvendës Presidenti i SHBA-së Mike Pence.

Kënaqësi të bisedoja me të dhe të ndaja mirënjohjen e madhe që çdo shqiptar ka për mbështetjen e jashtëzakonshme që SHBA i ka dhënë dhe i jep kombit shqiptar.

Me ndihmën dhe mbështetjen e SHBA-së, ne do t’ja dalim të ndryshojmë Shqipërinë dhe të mbrojmë interesat e shqiptarëve kudo ku ata jetojnë.

Të bekuar me miqësinë e SHBA-ve, të cilën duhet ta mbrojmë dhe forcojmë edhe më tej 🇦🇱🤝🇺🇸