“Eagles land”, skuadra shqiptare që synon suksesin në futbollin britanik

Eagle Land ose ndryshe toka e shqiponjave është një skuadër futbolli e cila militon në ligat amatore të futbollit me bazë në Londër. Një ekip i cili synon shumë më tepër se lojën e fushës së blertë, ndërsa objektiv ka marrjen pjesë në FA Cup.

E veçanta e kësaj skuadre është se përbëhet nga futbollistët shqiptarë nga të gjithë trojet, ndërsa në rolin e presidentit është Admir Lala.

“Problemi kryesor ngelet te fusha. Ne jemi në proces nga autoritetet tona lokale në kërkim të një toke, që të na jepet mundësia të ndërtojmë një fushë, Kjo kërkon më shumë kohë dhe më shumë përkushtim”,-tha Lala

Fakti i të qenit një ekip kuqezi, ka bërë që futbollistët të largohen nga skuadrat e tjera dhe t’i bashkohen këtij projekti.

“Kemi  ardhur të japim kontributin tonë, të bëjmë më të mirën, të dëgjohet emri jonë”,-tha Hekuran Koleci, futbollist.

“Arseyja pse zgjodha Eagle Land, pavarësisht se është 3 liga poshtë ekipit ku isha, është mikpritja dhe kënaqësia për të kontribuar për një ekip të ndërtuar nga komuniteti i shqiptarëve” -tha Gerti Balaj, futbollist.

Eagle Land është krijuar në vitin 2019, ndërsa ka pësuar rritje sezon pas sezoni, teksa shumë shpejt synon të ketë dhe një akademi të vetën.

LEXONI GJITHASHTU:

• “Dua të garoj për Shqipërinë, i pakënaqur nga Kosova”-sportisti që vrapoi 28 orë
• Kombëtarja bën bashkë shqiptarët nga trevat, qindra tifozë nga RMV në Shqipëri