Bayern, 4 lojtarë drejt largimit, situatë e paqartë tek gjermanët

Një ndër skuadrat më të mirë në Evropë, si dhe pretendente për fitimin e Champions League është Bayern Munchen, por në skuadër nuk ka harmoni.

Që prej afrimit të Thomas Tuchel si trajner, largimit të Nagelsmann apo eliminimit nga Liga e kampionëve në sezonin e shkuar, për të vijuar më tej me 2 herë nga Kupa, gjërat nuk po shkojnë siç duhet.

Sipas medias gjermane “Bild”, në skuadër ka shumë probleme, që me sa duket nuk po sheshohen. 4 futbollist pritet të largohen vitin e ardhshëm, ndërsa thashetheme ka edhe për një shkarkim të trajnerit të skuadrës. Ky i fundit kërkon dorë të lirë për të larguar disa prej yjeve e konkretisht Sane, Coman, Kimmich dhe mbrojtësin e majtë Alphonso Davies. Një vendim i tillë do të shkaktonte polemika, sidomos kur vetë pozitat e trajnerit Tuchel janë të lëkundura.

Pavarësisht se drejtuesit i kanë dhënë besim deri më tani, largimi i dyshes Kahn-Salihamidzic konfirmoi se asnjë nuk është i paprekshëm dhe ndoshta ky është një sinjal për ish-teknikun e Chelsea e PSG. Këtë sezon bavarezët u eleminuan në mënyrë të turpshme nga Kupa e Gjermanisë, ndërsa luftojnë për fitimin e Bundesligës dhe Ligës së Kampionëve.

LEXONI GJITHASHTU:

• 250 mijë euro për Kane, Bayerni shpërblen bomberin britanik
• Champions League| Man Utd pa identitet, fitojnë Bayern, Real dhe Inter