“Parlamenti ishte i pushtuar”- Boçi: 50 gardistë luftonin si luan në emër të Ramës

Ish-deputeti i Partisë Demokratike, Luçiano Boçi, është shprehur se ditën e sotme Parlamenti i Shqipërisë ishte i pushtuar nga gardistë që sipas tij, luftonin kundër opozitës në emër të kryeministrit Edi Rama.

Komentet Boçi i bëri përmes një lidhjeje në “Euronews Albania”, ku tha se sot debati duhet të rrotullohet rreth kufizimit të lirisë të deputetëve të opozitës.

Ai tha se ndaj deputetëve të opozitës është përdorur dhunë policore, me qëllim mos-lejimin e tyre në Kuvend.

“Le të vinte një përfaqësues i maxhorancës dhe t’ja rreshtonim të gjitha shkeljet, sesi sillen ndaj deputetëve të opozitës. Ky është debati sot, e kufizimit të lirisë të deputetëve të opozitës. Lufta është atje, te ajo dhuna policeske.

Ishte i pushtuar Parlamenti. Si thoni disa gardistë. Unë vij nga Parlamenti, e di sa gardistë janë. Ka 10 porta të ndryshme. Aty ishin mbi 50 gardistë që luftonin si luanë në emër të Ramës.

Ngjarja më e rëndë është rrëmbimi i gazetarit Elton Qyno. Ju sot duhet të më pyesnit për situatën e medias, si u rrëmbye Qyno. Unë kam ndjeshmërinë që si politikan të flas për këtë çështje”, tha Boçi.

LEXONI GJITHASHTU:

• Kuvendi vendos të hënën mbi arrestin e Berishës, Rithemelimi njofton protestë
• Ndryshimi i rregullores së Kuvendit, Meta: Asgjësim i opozitës dhe parlamentarizmit