“Liridona”| Pacolli reagon ashpër, paralajmëron padi: S’mund të poshtëroni familjen

Kryetari i Aleancës Kosova e Re, Behgjet Pacolli, ka reaguar sërish në lidhje me deklaratat e bëra në media nga analistë të ndryshëm në lidhje me vrasjen e Liridona Ademaj.

Pacolli ka paralajmëruar padi për analistin Arjan Curri, i cili disa ditë më parë deklaroi se ka dyshime se Naim Murseli, bashkëshorti i Liridonës, mund të ketë qenë në një lidhje jashtëmartesore me një burrë.

Në reagimin e tij Pacolli nënvizon se vjen nga një familje me tradita dhe nuk mund të tolerojë asnjë person që tenton të poshtërojë integritetin e familjes së tij.

Ai nënvizon se deklaratat në media kanë bërë që djali i tij i vogël të bie pre e bullizmit, duke paralajmëruar se personat që kanë bërë këto deklarata do të mbajnë përgjegjësi.

“Pas një udhëtimi të gjatë, vura re një grumbull lajmesh dhe opinionesh të ndara kohët e fundit. Gjithashtu kam vënë re se disa individë, me qëllime të këqija, me shpifje dhe deklarata të pasakta të shfaqura në TV, tentuan të më shantazhojnë dhe të kontaminojnë emrin tim dhe të poshtërojnë integritetin e familjes sime.

Ju zoti Arjan Curri që nisët këtë akt të shëmtuar me shpifjet dhe gënjeshtrat tuaja nuk keni të drejtë t’i shkaktoni vuajtje familjes sime, veçanërisht djalit tim të vogël, i cili tani është bërë objekt bullizmit të vazhdueshëm, nga miqtë e tij për shkak të deklaratave të juaja false dhe mashtruese

Zotëri, une nuk ndaj vlerat tuaja, unë kam një familje me tradita të forta dhe do të punoj për të ju sjellur para përgjegjësisë për krejt këto vuejtje që i shkaktuat fëmijëve dhe familjes sime”, shkruan Pacolli.

LEXONI GJITHASHTU: 

• “Alarm”- këshilltari i Pacollit: Kush takohet në restorantin ku darkoi Liridona
• “Do zgjidhet me kanun” Babai i Naimit flet për kërcënime: Erdhën thanë kërkojmë gjak
• “E urreva, s’e përqafoi, e preku me tre gishta”- Mësuesja e Liridonës: U martua e re