“Asnjë parti s’hapi shampanjë”, gazetari: Fundi i tranzicionit, pas Berishës…

Gazetari Arbër Hitaj tha në “Review” në Euronews Albania se në gjithë procesin për hetimin dhe kërkimin e masës së sigurisë së Sali Berishës, nuk shikon shkelje të të drejtave të tij.

Ai tha se kjo nuk është politike, pasi po të kishte interes politik, Rama mund ta kishte sulmuar atë më herët, pas zgjedhjeve të 14 majit, e jo në një moment qetësie që nuk i jep leverdi. Sipas gazetarit, ky moment shënon fundin e tranzicionit, pasi pas ish-kryeministrit zyrtarë të tjerë do dalin para drejtësisë,

“Unë nuk shikoj shkelje të të drejtës së Sali Berishës. Edhe politikisht, nëse do të kishte interes zoti Rama, ta godiste juridikisht nuk do e godiste në këtë moment. Fitoi zgjedhjet në 14 maj, rezultati ishte i thellë.

Përse do e godiste në një moment qetësie që nuk i jep leverdi. Unë besoj se në asnjë seli politike nuk ka hapur hapje shampanje. Të gjithë janë të trembur. Sot ishte Berisha, nesër do jenë zyrtar të tjerë ka filluar faza e fundit e tranzicionit”,-tha gazetari.