“Çohu e këndo”- Me lot e lule, Vassilis Karras përcillet në banesën e fundit (VIDEO)

Ditën e sotme është mbajtur ceremonia mortore për vdekjen e këngëtarit të njohur grek, Vassilis Karras.

Mediat greke kanë publikuar video dhe fotografi nga ceremonia e zhvilluar për nder të këngëtarit.

Me lot në sy, lule të bardha në duar dhe tekstet e këngëve të tij, mijëra njerëz i thonë lamtumirën Vassilis Karras në Kishën e Shenjtë të Zotit Agia Sofia në Selanik, ku prej orës 10 të mëngjesit ndodhet trupi i tij.

“Ngrihu dhe këndo për ne Babagjyshi”, thërrisnin fansat e tij ndërsa trupi mbërriti pranë mbështetësve.

Gruaja dhe vajza e tij duken të shkatërruara nga dhimbja për humbjen e madhe.

Me të mbërritur arkivoli, admiruesit dhe qytetarët e thjeshtë, të cilët kishin udhëtuar në Selanik nga e gjithë Greqia dhe ndodheshin aty që në orën 8 të mëngjesit, shpërthyen në duartrokitje dhe bërtitën: “Çohu dhe këndo për ne Vasil, ti je kudo”.

Familja e këngëtarit popullor ka mbërritur e përqafuar në Tempullin e Shenjtë, me bashkëshorten, vajzën dhe vëllain, duke i dhënë forcë njëri-tjetrit.

I trishtuar dukshëm, vëllai i tij Vassilis Karras nuk ka dashur të bëjë asnjë deklaratë. “Nuk kam guxim të flas”, tha ai.

LEXONI GJITHASHTU:

• Homazhet për vdekjen e Vasilis Karras, Selaniku e gdhin në shesh me këngët e tij
• Ndërron jetë këngëtari i njohur grek Vasili Karras