Bora rikthen turistët në Dardhë, pista e skive në mbi 1600 metra më e frekuentuara

Reshjet e dëborës për disa vende janë problematike, ndërsa për fshatin e Dardhës në Korçë janë të mirëpritura, pasi tërheqin turistët që janë të apasionuar pas borës.

Të shumtë ishin vizitorët vendas nga qytete të ndryshme të vendit që kishin prenotuar në Dardhë. Në pistën e skive këtë të martë ishin të shumtë fillestarët që provuan të rrëshqisnin në pistën e akullt në majën e Bigllës.

Pista e skijimit në Dardhë mbetet e vetmja në vend që tërheq pushuesit. Ajo ndodhet në lartësinë 1640 metra dhe në këtë periudhë të vitit është tepër e frekuentuar.

Trashësia e borës në këtë zonë arrin në 50 cm, por sipas Autoritet Rrugor Shqiptar të gjitha akset janë të kalueshme dhe se kalimi për në këtë zonë është i lejueshëm.

LEXONI GJITHASHTU:

• Malli për Dardhën kthen emigrantët, vendasit kthehen për festën e fshatit
• Bora rikthen turistët në Dardhë, bizneset shpresojnë tek moti me reshje