I përdhunoi vajzën, zbardhet motivi pse shqiptari në Greqi vrau kunatin

Një 33-vjeçar shqiptar, i identifikuar si Erjon Pelivani është vrarë me armë zjarri nga kunati i tij, pasi ky i fundit zbuloi se i kishte përdhunuar prej 9 vitesh të bijën.

Autori është 50-vjeçari Fatmir Tarellari. Ai e qëlloi vëllain e gruas me një armë gjahu dhe më pas është vetëdorëzuar në policinë në Volos.

Shqiptari ka rrëfyer në polici se ka marrë vendimin për të vrarë kunatin pasi mëngjesin e së martës, vajza e tij 18-vjeçare i tregoi se Pelivani e kishte përdhunuar që në moshën 9-vjeçare.

Ndërsa së fundmi, sipas rrëfimit të vajzës, daja e ka shantazhuar se do t’i publikonte video dhe foto intime të akteve të tij.

Familja e 50-vjeçarit përbëhet nga tre vajza nga martesa e tij e mëparshme dhe një djalë 9-vjeçar nga martesa e tij e dytë. Viktima rezulton të jetë vëllai i gruas së tij të dytë.

LEXONI GJITHASHTU:

• OKB: 40% e ukrainasve do të kenë nevojë për ndihmë humanitare këtë vit
• Çani: Rama marketues i mirë, zgjedhja e resortit në Shëngjin pjesë e promovimit