Itali/Çerekfinalet e kupës, Roma mirëpret derbin, Atalanta sfidon Milanin në mbrëmje

Derbi Lazio-Roma do të ndezë kryeqytetin e Italisë pasditen e së mërkurës, ku dy skuadrat luajnë për llogari të kupës.

Ecuria jo e mirë në kampionat bën që dy skuadrat të synojnë të shkojnë deri në fund në kompeticionin tjetër, edhe pse rrugëtimi pavarësisht se është drejt fundit, mbetet i vështirë.

Fiorentina është skuadra e parë gjysmëfinaliste, pasi mposhti të martën Bolognan, teksa gjithcka u zgjidh pas ekzekutimit të 11 metërshave. 120 minutat përfunduan me rrjeta të paprekura, ndërsa në penallti, skuadra violë rezultoi më e saktë, duke i shënuar të pesta goditjet, ndryshe nga Bologna, ku gaboi Posch.

E mërkura do të prodhojë dy ekipe të tjera të cilat do të avancojnë më tej. Roma e Mourinhos cilësohet favorite kundrejt Lazios, ndërsa rivaliteti mbetet i madh. Shqetësim për lacialët mbetet Immobile për të cilin nuk është konfirmuar nëse do të luajë, ndërsa tek romanët 4 lojtarë janë në dyshim.

Mbrëmja po ashtu premton spektakël në një ndeshje që gjithmonë ja ka dalë të prodhojë dicka të tillë. Atalanta sfidon Milanin në San Siro në përballjen e dytë direkte për këtë sezon. Në kampionat bergamaskët triumfuan 3-2 në muajin dhjetor, teksa sa i përket organikës nuk paraqiten probleme serioze.

LEXONI GJITHASHTU:

• Ndahet nga jeta Franz Beckenbauer/ Rama mesazh ngushëllimi: Legjendë e sportit
• Përfitoi pension të posaçëm, sportistja: Hoqa fustanin e nusërisë për volejbollin