Bonucci transferohet në Turqi, Sociedadi interes për Zhegrovën

Transferimi në Gjermani, mund të cilësohet padyshim një dështim për Leonardo Bonucci, i cili tashmë do të jetë pjesë e një tjetër kampionati.

Qendërmbrojtësi Italian ka ndërmarrë një tjetër lëvizje në karrierën e tij dhe ka zgjedhur Turqinë, konkretisht Fenerbahçe.

Tratativa janë mbyllur me sukses, me Fenerbahçe që përforcohet edhe më tepër, ku kujtojmë që muaj më parë afroi dhe sulmuesin Edin Dzeko. Aktualisht renditet në vendin e parë në kampionat, ndërsa synim mbetet fitimi i tij.

Ylli i përfaqësueses së Kosovës, Edon Zhegrova ka çmendur jo vetëm kampionatin francez, por gjithë Evropën. Për të janë interesuar disa skuadra, ndërsa një tjetër emër konkret është ai i Sociedadit. Sipas mediave franceze, kontaktet kanë nisur dhe nga ekipet italiane e ato gjermane. Vetë futbollisti dëshiron të luajë në një nga 5 ekipet më të mira të Bundesligës, e duke parë atë çka prodhon në fushë, nuk do të ishte e vështirë të arrihej.

Në Angli, Tottenham mes shumë dëshirave ka përmbushur atë të Timo Werner. Gjermani ka zbarkuar në Londër dhe do të jetë nën urdhrat e Postecoglu. 27-vjeçari është transferuar në formë huazimi deri në fund të sezonit, por me të drejtë blerje nga ana e londinezëve. Ai e njeh mjaft mirë kampionatin në ishull për faktin se më parë ka luajtur dhe për skuadrën e Chelseas, por nuk pati shkëlqim.

LEXONI GJITHASHTU:

• Henderson i pakënaqur në Arabi, Ajax vëzhgon situatën e futbollistit
• Goditi portierin që i dëmtoi djalin, dënohet babai i futbollistit shqiptar