“Qeveria 3 ligje të ndryshme”, Urbanisti: Dikujt i legalizohet prona e dikujt jo

Në emsionin Review në Euronews Albania, u diskutua këtë të shtunë vendimi i qeverisë për konfiskimin e objekteve pa leje. Një investigim i Birn tregoi se ky vendim nuk i ka ndëshkuar ndërtuesit, por përkundrazi i ka favorizuar ata.

I ftuar në panel urbanisti Gentjan Kaprata tha se qeveria ka 3 ligje për të njëjtin koncept referuar këtu ndërtimeve pa leje.

Ai tha se është i çuditshëm disave u falet toka duke shtuar se bota nuk ka probleme të tilla.

“Qeveria ka 3 ligje të ndryshme për të njëjtin koncept. Si mundet që edhe legalizohen dhe nuk legalizohen, ata kanë shkelur ligjin njësoj. Si mundet disave t’u falet toka. Bota e zhvilluar nuk ka probleme të tilla. Probleme të tilla ka o Afrika, o Amerika Latine dhe një pjesë e vendeve të rajonit tonë. Nuk kanë pasur probleme të tokës. Fjala legalizim do të thotë që ke një objekt që nuk ka qenë dhe është. Shteti nuk njeh tokën”-tha ai.

LEXONI GJITHASHTU: 

• Konfiskimi i kateve pa leje, juristi zbërthen VKM-në: Mekanizëm legalizimi pa kosto
• Përfshihet nga flakët reparti i kirurgjisë në spitalin e Shkodrës