Nevoja për dru zjarri/ Librazhd, 20 hektarë tokë në dispozicion të qytetarëve

Janari ka nisur me temperatura të ulëta, madje në disa qytete të vendit, ato kanë kapur vlera deri në -15 gradë celsius. Një ndër qytetet më të ftohta është Librazhdi, ku termometri gjatë fundjavës shënoi deri në -10 gradë.

Banorët e këtyre zonave ngrohen kryesisht me dru. Për këtë arsye, ka lindur nevoja për lëndë drusore. Me këtë rast, bashkia e qytetit ka vënë në dispozicion rreth 20 hektarë sipërfaqe toke të cilat do të shfrytëzohen vetëm nga banorët për tu ngrohur.

“Nevoja për dru zjarri për banorët e bashkisë Librazhd është shumë e domosdoshme, më e domosdoshme mbetet ajo e enteve publike të bashkisë, të cilat bashkia ka menduar që ta zgjidhë nëpërmjet studimit tekniko ekonomik të parcelave dhe ka bërë të mundur tenderimin e këtyre parcelave. Aktualisht ne kemi 7 parcela ose e llogaritur 20 hektar”,- tha Aleksandër Brazhda, drejtor i shërbimit pyjor në Librazhd.

Kjo sipërfaqe toke do te jetë vetëm për dru zjarri. Sasitë dhe do të tregtohen me një çmim të arsyeshëm për të gjithë. Sakaq, Aleksandër Brazhda thotë se janë marrë masa dhe që të mos ketë abuzime nga ana e qytetarëve.

“Ne si drejtori pyjore kemi sektorin e policisë pyjore dhe bëjnë kontrolle të vazhdueshme dhe deri me sot ne nuk kemi pasur raste për abuzim”,-u shpreh Brazhda.

Zona e Librazhdit është furnizues me dru zjarri edhe për ato rrethe qe nuk kane sipërfaqe te mëdha me pyje. Ne 6 njësite administrative janë ngritur parcela te veçanta për t’i shfrytëzuar për dru zjarri për banoret e tyre. Aktualisht temperaturat janë nën 10 gradë në shumë zona të kësaj bashkie, ndërsa emergjencat civile u bëjnë thirrje qytetarëve te evitojnë daljet në këto ditë me ngrica.

LEXONI GJITHASHTU:

• “Shqipëria, më e varfra në rajon”, FMN: Ja faktorët që po ndikojnë
• “Na martoi një hoxhë”- Dëshmia tronditëse e 16-vjeçares: Kryem marrëdhënie te banesa