EMRI| Përplaset me motor në qendër të Athinës, ndërron jetë i riu shqiptar dhe shoku

Dy të rinj, një prej të cilëve shqiptar, kanë humbur jetën në një aksident tragjik në mëngjesin e së mërkurës në sheshin Omonia, në Athinë.

Viktimat ishin duke udhëtuar me një motoçikletë, në një rrugë pa trafik, çka u ka lejuar të ecnin me shpejtësi tej normave të lejuara.

Kristi Manthio, 24 vjeç, me origjinë nga Shqipëria dhe Manolis Sarandis, 25 vjeç, ndërruan jetë pasi humbën kontrollin e motorit dhe u përplasën me një autoveturë të markës “Fiat”, drejtuesi i së cilës pësoi vetëm dëmtime të lehta.

Pasi policia dhe ambulanca kanë mbërritur në vendin e ngjarjes, dy të rinjtë janë transportuar drejt spitalit KAT të Athinës, por nuk kanë mundur t’ju mbijetojnë plagëvetë marra. Kjo pasi, përveç shpejtësisë tej normave të lejuara, shqiptarët nuk kishin vendosur kaskat mbrojtëse në momentin e aksidentit.

LEXONI GJITHASHTU:

• Aksidentet e urbanëve/ Eksperti: Shoferët drejtojnë të dehur e me celularë në dorë
• Eksperti për aksidentet rrugore: Siguria nuk është në nivelet e duhura