OBSH mision në Gaza, Guterres: Refuzimi i zgjidhjes me 2 shtete, i papranueshëm

OBSH dhe organizatat partnere kryen një mision me rrezikshmëri të lartë për të rifurnizuar me karburant spitalin “Al Shifa” në veri të Gazës, ku qindra mijëra njerëz po vuajnë pasojat e luftës.

Në mbarë Rripin e Gazës, ato pak spitale të mbetura ndodhen në situata edhe më të vështira, pasi aktet agresore pengojnë aksesin e ndihmës tek pacientët.

“Refuzimi i hapur i bërë javën e kaluar nga zyrtarët më të lartë izraelitë ndaj zgjidhjes me dy shtete është i papranueshëm. E drejta e popullit palestinez për të krijuar shtetin e tij të pavarur duhet të njihet nga të gjithë. Çdo refuzim për të pranuar zgjidhjen me dy shtete që mund të vijë nga kushdo duhet të hidhet poshtë”, tha Antonio Guterres, sekretar i përgjithshëm i OKB-së.

Ndërkohë, në zonën e Rimalit, në perëndim të Qytetit të Gazës, kanë mbetur vetëm rrënoja ndërtesash pas bombardimeve të radhës nga Izraeli. Mes godinave të rrënuara është edhe ajo e Kryqit të Kuq.

LEXONI GJITHASHTU:

• Luftime të ashpra në qytetin e dytë më të madh në Gaza
• Ministria në Gaza bën bilancin: Sa është numri i viktimave nga sulmet izraelite