Kthupi: Të gjitha partitë politike të përfshihen te Reforma Zgjedhore

Sekretari për Reformën Zgjedhore në PD, Rezart Kthupi në një intervistë për Euronews Albania,  foli në lidhje me ecurinë e Reformës Zgjedhore.

Ai theksoi se Reforma Zgjedhore kërkon  pjesëmarrjen aktive të të gjitha partive politike.
Sipas tij, Reforma duhet të reflektojë nevojat e sistemit ose aspiratat e zgjedhësve

“Reforma Zgjedhore kërkon pjesëmarrjen aktive të të gjitha partive politike për shkakun e thjesht se sistemi zgjedhor në Shqipëri ndërtohet në partitë politike. Por pesha dhe përgjegjësia, i takon asaj force dhe detyrimi më i madh në raport me realizimin e Reformës Zgjedhore.

Të gjitha partitë e opozitës të mbledhura bashkë, nuk bëjnë vota mjaftueshëm pa pjesëmarrjen e mazhorancës për të bërë ndryshime dhe për të bërë Reformën Zgjedhore. Nëse duam një Reformë  Zgjedhore të mirë, Reforma duhet të reflektojë nevojat e sistemit ose aspiratat e zgjedhësve. Në këto kushte ne kemi shkuar me një draft me propozime  konkrete por nuk kemi ngritur kurrë flamurin për propozimet më të mira apo më të zbatueshme”-tha ai.

LEXONI GJITHASHTU: 

• Reforma Zgjedhore, Meta: Të jepet garanci që pesha e votës do të jetë e njëjtë
• Paralajmërimi i Vuçiç: Ata që po armatosin Kosovën do përgjigjen