Kryeministër shqiptar në RMV/ Kadia: Miti u thye, çfarë do ndodh më pas…

Zëvendës ministri i Jashtëm, Besart Kadia e konsideroi arritje për shqiptarët e Maqedonisë së Veriut zgjedhjen e Talat Xhaferit si kryeministër të qeverisë teknike.

I ftuar në “Now me Erla Mëhillin” ai tha se shqiptarët e RMV-së nuk duhen parë si të vendosur në një geto e të harruar nga politika, pasi të pasurit një kryeministër shqiptar është një simbolikë e fortë e cila thyen mitin, e për të bërë këtë është punuar me dekada të tëra.

“Vendosja e një kryeministri shqiptar, është simbolika e gjithë përpjekjes, se politika nuk është një ditë që  u vendos kryeministri shqiptar. Kjo është politikë që pas luftës, që prej marrëveshjes së Ohrit, për të arritur te kjo ditë. E rëndësishme është simbolika dhe çfarë do të sjellë kjo nga pas. Thyhet një mit, ose një tabu”,-tha Besart Kadia.

LEXONI GJITHASHTU:

• “Luftë etnike nëse…”- Iljazaj debat me Mulajn: Shqiptarët do jenë pakicë në RMV
• “S’mjafton kryeministri”, Abilekaj: Shqiptarëve s’po u respektohen të drejtat në RMV