“S’mjafton kryeministri”, Abilekaj: Shqiptarëve s’po u respektohen të drejtat në RMV

Gazetari Enton Abilekaj ishte këtë të hënë i ftuar në “Now me Erla Mëhillin” për të folur rreth zgjedhjes së qeverisë teknike në Republikën e Maqedonisë së Veriut, e cila për herë të parë udhëhiqet nga një shqiptar.

Abilekaj tha se më e rëndësishme se të pasurit një kryeministër shqiptar si Talat Xhaferi, është integrimi dhe respektimi i të drejtave të shqiptarëve në Maqedoninë e Veriut.

“Ne kemi akoma sot zona me shumicë dërrmuese shqiptare ku nuk lejohet arsimi shqip, e pengon  pakica maqedonase. Kemi festën ku festohet 108 vjetori i kongresit të manastirit, maqedonasit shkojnë e rrahin Shqiptarët dhe prishin festën.

Kishim ministrin e financave shqiptar dhe investime nuk pati fare në zonën shqiptare. Kjo është të integrohen shqiptarët, nuk është të marrësh ministrat dhe të trajtosh elitat sa më mirë. Integrimi i shqiptarëve, është që ata të ndihen atje si një popullsi shtet formuese të barabartë me maqedonasit, jo superior, por të barabartë”-tha gazetari.

LEXONI GJITHASHTU:

• Talat Xhaferi kryeministër i RMV, Mulaj: Fitore! Pse është i rëndësishëm precedenti
• Kryeministri i parë shqiptar në RMV, Xhaferi prezanton prioritetet e qeverisë