“Qeni është 3% më pak njeri” – Animalistja tregon arsyen kryesore

Janë bërë virale në internet disa video dhe foto ku duken disa të rinj të torturojnë një qen të racës “Husky”; ata e kanë lidhur dhe i çojnë një qen pitbull që e sulmon. Pa ashtu i publikojnë edhe video në rrjetet sociale.

Jonida Çobani Gjoka animaliste tha në emisionin GoodMorning  Albanians në Euronews Albania se njerëzit që duan të marrin një qen për t’u kujdesur duhet të jenë të trajnuar për ta bërë këtë.

Sipas saj, qeni është vetëm 3 për qind më pak njëri në ADN e tij dhe këtë e shpreh më së miri me sjelljen.

“Duhet të jetë i kontrolluar ai që merr një qen për ta rritur, qeni është një qenie që është 3 për qind më pak njëri. Duhet të ketë një kurs të posaçëm për këta njerëz që të bëhen prindër të një kafshe. ADN jonë me qentë ndryshon shumë pak, dhe me kafshët që hamë, si derrat. Qeni është 98 për qind njeri në  ADN”, tha ajo.