Arsenali, fitorja e dytë radhazi, Luton “surprizë” Brightonit, triumf për Newcastle

Premier League ka zhvilluar të martën 5 përballje, ku nuk munguan dhe rezultatet interesante.

Arsenali ka rrëmbyer një tjetër fitore, e dyta radhazi, ndërsa mposhti Nottingham në transfertë. Të besuarit e Artetës dominuan në të dyja fraksionet, por duke e patur të vështirë të gjejnë golin. Pjesa e parë prodhoi raste, por rezultati do të ndryshonte në fraksionin e dytë, aty ku Gabriel Jesus kaloi në avantazh të tijët. Në minutën e 72 ishte Saka që i shërbyer në zonë goditi saktë me të djathën duke dyfishuar avantazhin, ndërsa vendësit do të reagonin 1 minuta para fundit me Auonijin.

Ndeshja u mbyll në shifrat 1-2 me topçinjtë që regjistrojnë kështu fitoren e 14-të sezonale në kampionat. Surpriza e së martës mund të konsiderohet pa frikë Luton, e cila shtangu Brightonin duke e mposhtur me rezultatin e thellë 4-0. Modestët e Premier League u treguan ta pamëshirshëm, duke realizuar 3 herë që në pjesën e parë, falë një dopiete të Adebayo dhe Ogben. Adebayo do të ishte heroi i Luton duke shënuar dhe golin që vulosi rezultatin 4-0, e duke u larguar kështu përkohësisht nga zona e ftohtë.

Në përballjet e tjera të luajtura, Neëcastle u rikthye tek fitorja duke mposhtur 1-3 Aston Villan, Crystal Palace triumfoi ndaj Sheffield 3-2 dhe Fulham barazoi me Evertonin pa gola. Në mbrëmje luhen dhe 3 ndeshje të tjera interesante, ku kryesfida mban emrin Liverpool-Chelsea.

LEXONI GJITHASHTU:

• Tjetër humbje për Mançesterin, Arsenali mposhtet në Derbi
• Man Utd dështon sërish, Arsenali ndëshkohet në Francë, Bayern fiton me përmbysje