“Opozita s’është kristal”! Dash Shehi: Kemi ende ca burra që nuk janë përzierë te…

Kreu i LZHK-së Dashamir Shehi tha në emisionin Now në Euronews Albania se edhe opozita nuk është plotësisht e papërlyer në korrupsion, por brenda saj ka njerëz që nuk janë të përzierë në çështje korruptive.

Sipas tij, problemi më i madh është se vetë shoqëria është korruptuar duke e normalizuar si pjesë të demokracisë korrupsionin.

“A është opozita kristal? S’e besoj, shikoje sa lekët kishin e sa lekë kanë, është e thjeshtë fare. Por brenda opozitës ka akoma ca burra që nuk janë përzierë, dhe populli ka çfarë zgjedh. Por korrupsioni,  duke qenë  i shpërndarë në gjithë shoqërinë, e ka humbur peshën, është korruptuar edhe shoqëria, ndaj nuk ka reagim. Të gjithë ata që kanë bërë shtëpi pa leje a kanë bërë korrupsion? Të gjithë ata tregtarët e vegjël që nuk paguajnë taksat, tregtarët e mëdhenj, dhe kur vjen puna të diskutohet korrupsioni, siç thuhet në bibël kush nuk ka bërë mëkat të gjuajë gurin e parë. Një pjesë e shoqërisë e ka pranuar korrupsionin, është bërë pjesë e kulturës”,  tha Shehi.

LEXONI GJITHASHTU:

• Shehaj: Rama nuk bën korrupsion për të vjedhur! Arsyeja e vërtetë është tjetër
• Indeksi i Korrupsionit, Shehi: Kush janë hajdutët e vegjël e të mëdhenj në Shqipëri