“PD përbën kërcënim për këtë sistem”, Basha nga Roskoveci: Jemi zgjidhja për krizën

Kreu i PD Lulzim Basha zhvilloi një takim me anëtarë të PD në kuvendin zgjedhore të degës së kësaj partie në Roskovec.

Basha tha se PD është e vetmja  që mund të bëjë realitet dëshirën e shqiptarëve për të ndryshuar qeverisjen e korruptuar.

Ai tregoi se PD ka përfunduar programin për qeverisjen pas zgjedhjeve të 2025, që siç tha është hartuar nga ekspertët më të mirë dhe është realist dhe plotësisht i besueshëm

“Ne na bashkon një qëllim: t’i prijmë ndryshimit. Jam i bindur se shumica e shqiptarëve duan ndryshim. Ata që duan sot ndryshim, janë mazhoranca e njerëzve në Shqipëri. Shumica e njerëzve në Shqipëri. Por në anën tjetër, realiteti politik është i shtrembëruar. Ata që përfaqësojnë pakicën, duan ta mbajnë këtë gjendje. Në këtë gjendje vegjeton, mbijeton shumica e shqiptarëve, një pjesë as mbijetesën, por në këtë gjendje pasurohet një grusht njerëzish”,  tha Basha ndër të tjera.