Gazetarja: Vjehrra tha se nusja tradhtonte djalin ndaj i vuri kamera në shtëpi

Gazetarja Bleona Metushi ishte këtë të mërkurë e ftuar në një intervistë për Euronews Albania për të folur për rastin e publikuar ditën e djeshme, ku një grua në Kamzë mbahej e izoluar dhe dhunohej nga bashkëshorti i saj.

Ai madje kishte vendosur kamera në banesë për të mbajtur “nën kontroll” gruan e tij, për të cilën kishte dyshime se e tradhtonte.

Metushi tha nëna e Asqeri Mandrit ka deklaruar se djali i saj ishte shumë xheloz, gjë që mund të ketë sjellë në vendosjen e kamerave brenda banesës.

“Ata kishin afërsisht një dekadë të martuar, janë prindër të 4 fëmijëve edhe historiku i dhunës së shfaqur nga 34-vjeçari, mund të kenë qenë nga dyshimet që ai ka pasur për marrëdhënie jashtëmartesore.

Si ka rezultuar nga dëshmitë që janë marrë nga grupi hetimor, jo vetëm të bashkëshortes e cila ka bërë denoncimin, por edhe të nënës së 34-vjeçarit, ajo gjatë deklarimeve ka pretenduar se nuk ka pasur dhunë nga djali i saj ndaj nuses, por ajo pretendon se djali ishte xheloz, kjo mendohet të ketë qenë edhe arsyeja e vendosjes së kamerave brenda banesës së tij”,-tha Metushi.

LEXONI GJITHASHTU:

• Mbajti mbyllur gruan me kamera, mjekja: Nëna me besim të verbër te Asqeri Mandri
• ‘Burgosi’ gruan me kamera|34-vjeçari sapo ishte kthyer nga Gjermania, çfarë dyshohet