Drogë dhe mijëra euro në makinë, arrestohet 43-vjeçari në Tiranë

Dritan Bozha është arrestuar ditën e sotme në kuadër të operacionit “Tempulli” pasi është kapur me lëndë narkotike dhe para në makinë.

Policia bën me dije se 43-vjeçari u ndalua në Sauk ndërsa po lëvizte me një automjet tip “Audi”

Gjatë kontrollit fizik ndaj 43-vjeçarit dhe kontrollit në automjetin e tij, shërbimet e Policisë gjetën sasi lënde të dyshuar narkotike kokainë, 5350 euro, 2800 franga dhe 10 000 lekë të rinj, të dyshuara të përftuara nga veprimtaria kriminale e shitjes së lëndëve narkotike, të cilat u sekuestruan në cilësinë e provës materiale, bashkë me automjetin.

Nga veprimet hetimore ka rezultuar se ky shtetas e siguronte lëndën narkotike në sasi dhe më pas e ndante në doza, të cilat i shiste në zona të ndryshme të Tiranës.

Në vijim të veprimeve u bë arrestimi i shtetasit D. B. dhe materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU: 

• Goditet grupi që përdorte kartmonedha të falsifikuara në qytetin e Vlorës
• Kafja më e shtrenjtë në botë, nga jashtëqitja e një kafshe…