Juventus nuk bind më, Chelsea fiton me spektakël

Pas humbjes me Interin, Juventusi ka dështuar sërish të marrë pikë në kampionat, këtë herë ndaj një kundërshtari si Udinese. Bardhezinjtë u mposhtën minimalisht në shtëpi, duke konfirmuar dhe një herë tjetër se nuk janë gati të konkurrojnë për titullin me zikaltrit. Në Allianz stadium përballja u zgjidh që në pjesën e parë, aty ku në minutën e 25’ Gianneti shënoi një gol në rrëmujë, me mbrojtjen kundërshtare që nuk arriti të largojë topin.

Të besuarit e Allegrit tentuan disa herë ti afrohen golit por ishin të pasuksesshëm, ku edhe pse dominuan totalisht 90 minutëshin në Torino, dolën pa pikë nga stadiumi i tyre. Në anën tjetër, Udinese largohet përkohësisht nga zona e ftohtë, ndërsa Juventus vendos në rrezik pozitën e tij.

Të hënën u zhvillua dhe një prej ndeshjeve të Premier Leagues angleze, ajo mes Crystal Palace dhe Chelsea. Blutë triumfuan me rezultatin 1-3, ndërsa dy prej golave erdhën në kohën shtesë. Pjesa e parë u mbyll me avantazhin e Crystal Palace, pas golit të Lerma, ndërsa në të dytin reagoi ekipi i Pochettino, ku barazoi me Callagher. Kur u duk se ndeshja do të mbyllej pa fitues, ishte Callagher në shtesë që përmbysi rezultatin dhe Enzo Fernandez që vulosi triumfin 1-3. Chelsea ngjitet kështu me 1 pozicion në tabelë, teksa Crystal Palace qëndron i 15-ti.

LEXONI GJITHASHTU:

• Juventus kërkon rikthim në krye, Napoli i sfidon në “Allianz Stadium”
• Juventus në krye të Serisë A, “zbret nga froni” Interin