Juventus në krye të Serisë A, “zbret nga froni” Interin

Juventusi ka rrëmbyer fitoren e pestë radhazi në Serinë A duke u ngjitur kështu në krye të tabelës së klasifikimit. Bardhezinjtë konfirmuan dhe një herë tjetër superformën që po kalojnë, duke mposhtur në transfertë Leçen. Të besuarit e Allegrit zhvilluan një 90 minutësh pozitiv, ndërsa fraksioni i parë u mbyll me rrjeta të paprekura. Në fraksionin e dytë ishte serbi Dusan Vlahoviç që do të kthehej në heroin e torinezëve, duke gjetur golin në minutën e 59’. 9 minuta më pas bomber serb do të shënonte dhe golin e dytë për 0-2, ndërsa Bremer vulosi triumfin 0-3.

Kjo ishte ndeshja e 16-të radhazi në të cilën Juventusi merr rezultat pozitiv, duke u ngjitur në krye të tabelës së klasifikimit. Në vendin e dytë qëndron Interi i cili ka një ndeshje më pak të luajtur, kjo për shkak të angazhimeve në Superkupën e Italisë.

Të dielën kampionati Italian prodhoi dhe 3 fitore të tjera, konkretisht për Empolin, Genoan dhe Frosinonen. Këta të fundit mposhtën me përmbysje Cagliarin me përmbysje, duke u larguar përkohësisht nga zona e ftohtë.

LEXONI GJITHASHTU:

• Juventus kërkon rikthim në krye, Napoli i sfidon në “Allianz Stadium”
• Serie A ndan çmimet, Napoli skuadra më e mirë e sezonit, si lojtar zgjidhet Osimhen