Veliaj ndan fotot me Blinken: Kënaqësi t’i tregoja investimin e përbashkët

Kryebashkiaku i Tiranës, Erion Veliaj ka shpërndarë në rrjetin social Facebook, një postim ku flet ëpr takimin me sekretarin amerikan të shtetit Antony Blinken.

Ai është shprehur se është i kënaqur që i tregoi Blinkenit investimin më të madh të përbashkët shqiptaro-amerikan, Piramidën e Tiranës.

“Kënaqësi të bisedoja me Sekretarin Anthony Blinken e t’i tregoja investimin më të madh të përbashkët shqiptaro-amerikan në kryeqytet, Piramidën e Tiranës. Dje një simbol i izolimit e të shkuarës, sot një simbol i teknologjisë e të ardhmes”,-shkruan Veliaj.

Sekretari i shtetit ka zhvilluar disa takime këtë të enjte në Shqipëri, ndërsa tashmë është duke zhvilluar një takim  në kryeministri  me kryeministrin Edi Rama dhe me delegacionet e dy vendeve. Pas kësaj vizite, pritet që kryeministri Rama dhe sekretari Antony Blinken të dalin në një konferencë të përbashkët.

Blinken është shoqëruar në këtë takim edhe nga ish-ambasadorja e Amerikës në Shqipëri, Yuri Kim.