Cili është profili i një pedofili? Punonjësja sociale: I frustruar, bullizues…

Pranvera Dhima, punonjësja sociale ishte këtë të hënë në “Good Morning Albanians”, ku  ka folur për pedofilinë. Ajo tha se është e vështirë të caktosh një profil të një pedofili, pasi një pedofil mund të jetë kushdo.

Ajo tha se shpesh ndodh vitet e fundit që një pedofil të fshihet pas anonimatit në rrjete sociale, e për këtë arsye është e rëndësishme që fëmijët të edukohen e të fuqizohen në mënyrë që të mos kenë frikë të flasin me prindërit në raste përballje me shantazhet e një pedofili.

“Është e vështirë të vendosësh një  profil, mund të jetë kushdo që ti mund ta kesh edhe në klasë që të hapë një llogari e duke u fshehur pas anonimatit ata mund të kërkojnë përfitime. Mund të jenë njerëz me çrregullime të shëndetit mendor, mund të kenë çrregullime të sjelljes, mund të kenë probleme me vetëbesimin, probleme të impulseve të veta.

]Pa diskutim që aty ka nevojë për përmirësim dhe ata kanë nevojë për ndihmë për vete, sepse nuk është normale që përmes shantazhit, të  plotësosh një nevojë tënden. Për këtë arsye është e rëndësishme që ne të fuqizojmë fëmijët”,-tha punonjësja sociale.

LEXONI GJITHASHTU:

• Eksperti Bregu: Pedofilët i zhvasin vajzat përmes shantazheve seksuale online]
• Vdes në burg trajneri pedofil, akuzohej për 52 sulme seksuale ndaj djemve të mitur