“E sulmoi luani dhe iu gjet vetëm karta e identitetit”, Indiani: Vdiq për 1 foto…

Një burrë ka vdekur pasi ka kaluar një gardh të kopshtit zoologjik në një përpjekje të dukshme për të bërë një selfie me një luan, i cili më pas e ka sulmuar atë për vdekje.

Indiani i njohur me pseudonimin Baba G. ishte këtë të hënë i ftuar në një intervistë për “Good Morning Albania”, ku ka folur më tepër për këtë rast tragjik.

“Ka qenë i dehur, ka kaluar 15 metra brenda hapësirës ku ndodhej luani. Është e vështirë të thuhet se përse e bëri këtë veprim, por nga deklarata e policisë gjithçka që u mor vesh është se u gjet karta e identitetit dhe portofoli i tij. Ende nuk dihet nëse janë gjetur familjarët e tij. Në rrjete sociale në shpesh shikojmë tentativa idiote për tu bërë i famshëm. Njerëz që janë të pirë nuk duhet të futen në vende të tilla”,-tha indiani Baba G.

Incidenti ndodhi të enjten në Parkun Zoologjik Sri Venkateswara në Andhra Pradesh, Indi. Stafi e kishte paralajmëruar më parë Gujjarin që mos ti afrohej shumë rrethimit por mesa duket ai nuk e kishte marrë seriozisht.

Autoritetet kanë konfirmuar se po kryejnë një autopsi në trup për të identifikuar nëse alkooli apo droga luajtën një rol në vendimin e Gujjarit për të kapërcyer gardhin. Policia lokale ka konfirmuar se kur ishte në kopshtin zoologjik ai ishte vetëm dhe tani është në proces të përpjekjes për të kontaktuar familjen e tij.

Luani që e sulmoi u identifikua si Dongalpur dhe tani ai është zhvendosur në një kafaz që prej momentit pas të sulmit. Kopshti zoologjik ka gjithashtu dy luanë të tjerë, të quajtur Kumar dhe Sundari.

LEXONI GJITHASHTU:

• Gruaja indiane “rikthehet” nga vdekja
• Tragjike në Indi, autobusi përplaset me kamionin, 13 të vdekur