Greva e fermerëve grekë, bllokohet lëvizja e automjeteve të rënda në Kakavijë

“Greva e fermerëve të zonës së Janinës, Greqi gjatë ditës së sotme dhe bllokimi i tyre i vazhdueshëm i rrugës kombëtare Kallpaq-Janinë ka krijuar probleme për lëvizjen e automjeteve dhe këmbësorëve në të dyja anët e kufirit.”

Kjo protestë ka bërë që efektet të ndihen edhe në vendin tonë. Greva e fermerëve grekë ka bllokuar sërish këtë të hënë lëvizjen në drejtim të doganës së Kakavijës.

Sipas Policisë Kufitare në Gjirokastër pala greke kishte njoftuar se nga ora 10:00 dhe deri në një njoftim të dytë, rruga nacionale Kallpaq-Janinë, do jetë përsëri e bllokuar për shkak të protestës që po zhvillojnë fermerët.

Për këtë shkak gjatë të hënës në kufi është lejuar qarkullimi vetëm për automjetet e vogla. Ndërsa mjetet e tonazhit të rëndë si kamionë dhe autobuzë, janë lejuar të qarkullojnë me intervale kohore duke shmangur bllokimin e plotë të lëvizjes.

LEXONI GJITHASHTU: 

• Plani për protestën/ Noka tregon skenarët. A do bashkohet Berisha me qytetarët?
• “PL i bashkohet protestës së opozitës”, Xhixho: Pse qytetarët duhet të marrin pjesë