Familja ku Hygerta Metaj do të fejohej: Pëllumbi na refuzoi, tha e kam për shkollë

Euronews Albania ka siguruar dosjen për vrasjen e Pëllumb Metës, 50-vjeç i cili ekzekutua nga fëmijët e tij, të cilët tashmë po përballen me drejtësinë.

Në dosje përveç dëshmive të fëmijëve, paraqitet dhe dëshmia e familjes ku vajza e Pëllumb Metës, Hygerta Meta 19-vjeç do të fejohej.

Familja është shprehur se donin të bënin krushqi me Pëllumb Metën, por ky i fundit ka refuzuar të fejoj të bijën duke thënë se ajo do të vazhdonte të ndiqte studimet.

“Në vijim faktin e veprimeve të kryera për fshehjen e kufomës dhe largimin e automjeteve pranon dhe shtetasi Amarildo Meta djali i vogël i familjes Meta. Në interes të hetimeve u janë marrë deklarime dhe shtetasve O.Q, R.Q, E.Q ku shtetësja E.Q ka deklaruar se ka pasur dëshirë që të lidhte krushqi me familjen e viktimës por që ky i fundit nuk ka pranuar pasi vajza do të vazhdonte shkollën dhe nuk ka pasur plane për ta fejuar”-tha ajo.

LEXONI GJITHASHTU:

• Flet në gjykatë djali i vogël i familjes: S’kam parë gjë, ku isha kur ndodhi vrasja
• Djali i madh mohon vrasjen në gjykatë: S’e qëllova unë babain, të flasë ai që e bëri