VIDEO| Rama pret delegacionet e vendeve pjesëmarrëse në Samitin për Ukrainën

Në ambientet e jashtme të Pallatit të Kongreseve, kryeministri Rama priti delegacionet që morën pjesë në Samitin për Ukrainën që u mbajt në Tiranë këtë të mërkurë.

I pari që ka zbritur në tapetin e kuq është Presidenti i Ukrainës, Volodymyr Zelensky, i cili pas shkëmbimit të duarve pati dhe një bisedë me shefin e qeverisë.

Më pas të dy liderët pritën së bashku të gjithë liderët pjesëmarrës nga Evropa Juglindore.

Në Samit morën pjesë Presidenti i Ukrainës Volodymyr Zelensky, Presidentja e Kosovës, Vjosa Osmani, Presidentja e Moldavisë Maia Sandu, Presidenti i Serbisë, Aleksandër Vuçiç, Presidenti i Maqedonisë së Veriut, Stevo Pendarovski, Kryetarja e Këshillit të Ministrave të Bosnje-Hercegovinës, Borjana Kristo, Kryeministri kroat, Andrej Plenkovici.

Samiti pati si qëllim solidaritetin e mëtejshëm të vendeve të Evropës Lindore, në mbështetje të Ukrainës dhe kundër agresionit rus.

Vendet pjesëmarrëse diskutuan ë se si mund të punojnë së bashku dhe të kontribuojnë në sigurinë dhe stabilitetin e rajonit dhe më gjerë duke mbështetur Ukrainën.

Kujtojmë se më herët mëngjesin e kësaj të mërkure u nënshkrua “Traktati i Miqësisë dhe Bashkëpunimit mes Republikës së Shqipërisë dhe Ukrainës”, nga Kryeministri Edi Rama dhe Presidenti i Ukrainës Volodymyr Zelenskyy.

Traktati i shërben konsolidimit të miqësinë mes dy vendeve dhe popujve, përmes zgjerimit dhe forcimit të bashkëpunimit në fusha të ndryshme me interes të ndërsjellë.

Gjatë taimeve bilaterale, Presidenti i Ukrainës Volodymyr Zelensky i dorëzoi Kryeministrit Rama Urdhrin e “Princit Jaroslav i Urti”, për kontributin e jashtëzakonshëm personal, gjithashtu edhe për mbështetjen.

LEXONI GJITHASHTU:

• Rama ndan pamjet e pritjes së Zelensky-t brenda Kryeministrisë
• Zelensky mbërrin në kryeministri, pritet nga Edi Rama
• Samiti në Tiranë, reagon Zelensky: Rama mik i palëkundur i Ukrainës