Instrumentistët e orkestrës simfonike në Korçë kërkojnë paga më të larta

Një grup artistësh të formacionit të harqeve të bashkisë së Korçës kanë bërë me dije se nuk do të jenë pjesë e këtij formacioni muzikor, pasi nuk janë të kënaqur me pagën që kanë marrë deri tani.

Ata paguhen afro 80 mijë lekë në vit, që për to është e papranueshme, e aq më pak tani që u kërkohet të jenë pjesë si instrumentistë në orkestrën simfonike.

Kostika Tanto drejtues i kësaj orkestre ka bërë të ditur se nuk mund të punojnë në të njëjtën kohë si instrumentistë të orkestrës simfonike dhe asaj të harqeve.

Në këto kushte 9 prej instrumentistëve të harqeve janë larguar ndërkohë që sipas tij pjesë e orkestrës simfonike janë bërë instrumentistët dhe dirigjenti Ilir Erzeni, të cilët nuk janë banorë të Korçës.

Burime pranë qendrës së artit dhe kulturës së Bashkisë së Korçës thanë se me rastin e 100-vjetorit të orkestrës simfonike dhe inaugurimit të qendrës se inovacionit dhe kulturës bashkia u ka kërkuar gjithë instrumentistëve të bëhen pjesë e kësaj orkestre por një pjesë e tyre nuk kanë pranuar me shumën financiare që ofrohet.

Ky është viti i ringritjes së orkestrës simfonike të Korçës me rikthimin e dirigjentit të njohur Ilir Erzeni dhe 44 instrumentistëve që tashmë kanë nisur punën.

LEXONI GJITHASHTU:

• Rikthehet bora në zonat e thella malore të qarkut të Korçës
• Zbulohet lidhja familjare e 2 të vrarëve në Korçë, konflikti nisi për trashëgiminë