Reali barazim me vuajtje, Leipzig paraqitje dinjitoze në Madrid

Reali Madridit dhe Manchester City janë 2 skuadrat e tjera çerekfinaliste të Champions League, që i bashkohen Bayernit të Mynihut dhe PSG.

Mbrëmjen e së mërkurës, madrilenët siguruan kalimin më tej edhe pse barazuan dhe vuajtën ndaj Leipzig në shtëpi, ndërsa në përballjen e luajtur në Manchester, të besuarit e Guardiolës likuiduan Kopenhagenin 3-1.

Në ‘Santiago Bernabeu’ u shfaq një Real krejt ndryshe ai i La Ligas, duke hasur shumë problem përballë gjermanëve, me këta të fundit shpërdoruan disa raste shënimi me Sesko, Olmo apo Openda. Një pjesë e parë e mbyllur pa gola, ndërsa në të dytën ishin spanjollët që gjetën golin me Vinicius Junior në minutën e 65’. 3 minuta më pas, një krosim në zonën e madrilenëve gjen Orban që devijon me kokë në rrjetën e Lunin dhe baraspeshë në fushë. Tentativat në vijim të Leipzig rezultuan të pasakta, me galaktikët që kalojnë më tej falë fitores minimale në transfertë.

Në Angli gjërat ishin më të lehta, për ekipin e strategut Pep Guardiola që sfidohej nga Kopenhagen. Britanikët vulosën fitoren që në pjesën e parë, duke regjistruar rezultatin e të dyja sfidave në shifrat 6-2. Akanji, Alvarez dhe Haaland ishin shënuesit për Cityzens, ndërsa Elyounussi për danezët, të cilët i japin fund rrugëtimin në ligën e kampionëve. Javën e ardhshme luhen 4 sfida të tjera për të kompletuar skuadrat e fazës çerekfinale.

LEXONI GJITHASHTU:

• Valencia frenon Realin e Madridit, 3 barazime në 5 javë për Ançelotin
• Artisti turk Eser Gündüz hedh dritë mbi realitetet gri të natyrës në galerinë Hofa