Sociologu: Gratë ndihen të pasigurta, 96% e krimeve në familje bëhet nga burra

Sociologu Gëzim Tushi tha në një intervistë për Euronews Albania, se në shoqërinë tonë janë gratë ato që vuajnë më tepër dhunën. Sipas tij 96% e krimeve në familje bëhet nga burrat, ndërsa gratë vijojnë të mbeten të pasigurta. Sociologu ngriti edhe problematikën e pagesës. Ai tha se në përputhje me punën që bëjnë gratë paguhen shumë pak.

“Është një turp social i vazhduar. Kemi kaq kohë që evidentohen statistikisht nivele të larta dhune ndaj grave, kjo lidhet me paragjykimin që ne kemi për trupin e gruas. Gjykimet dhe paragjykimet për gruan lidhen me seksualitetin e saj, me seksin dhe me gjininë. E para është biologjike e dyta është seksuale. Ne kemi meshkuj që kanë mentalitetin se gruaja është për të kënaqur burrin, ndaj ka edhe shumë raste përdhunimesh.

E dyta niveli i dhunës nuk është i lidhur vetëm me trupin e gruas, ne në shoqërinë shqiptare e kemi në nivele shumë të larta punën e papaguar të grave në shoqëri. Nuk u njihet grave asnjë prej 70% e punëve që gratë e vajzat bëjnë në shoqëri. Kjo është padrejtësi sociale.

Dhuna mbi gratë “është demokratizuar” është përhapur. Ndihen të pasigurta, niveli i kriminalitetit është në nivele shumë të larta”,-tha socilogu.

LEXONI GJITHASHTU:

• SNUS tjetër tendencë e adoleshentëve, Shuperka: Duhet ndaluar është për duhanpirësit
• Dita ndërkombëtare e grave, OKB: Femrat vazhdojnë të përballen me shumë pengesa