Mbante të ngujuar familjen, lirohet ekonomisti: Shtrohet në spitalin psikiatrik

Gjykata e Tiranës ka ndryshuar masën e sigurisë nga “Arrest në burg” me shtrim të përkohshëm në spitalin psikiatrik për Jetnor Zhabolin.

Vendimi erdhi pas paraqitjes së ekspertizës mjekësore e cila e përcaktoi se ka qenë i papërgjegjshëm në kohën e kryerjes së veprimeve., ku mbajti të ngujuar familjen.

Zhabloi u arrestua pas denoncimit të fqinjëve për heqjen e paligjshme të lirisë së familjarëve të tij, përfshirë bashkëshorten. Fëmijët e mitur dhe nënën e tij.

Zhaboli, me profesion ekonomist, kishte arritur deri aty sa kishte instaluar kamera edhe brenda banesës, në tualet e në dhomën e gjumit dhe i monitoronte nga telefoni kur nuk ishte në banesë.

Gjithashtu ai kishte montuar bllokues valësh në banesë në mënyrë që familjarët e tij të mos komunikonin me askënd tjetër nga jashtë.

Bashkëshortja e tij ka tentuar të kryente vetëvrasje. Uniformat blu të kryeqytetit në banesën e tyre gjetën dy letra ku kjo e fundit ka shkruar për familjen e saj duke iu dhënë lamtumirën dhe ku iu kërkonte falje.

Përveçse i mbante të mbyllura në banesë, 35-vjeçari ushtronte dhunë fizike dhe psikologjike, në mënyrë të vazhdueshme.

LEXONI GJITHASHTU:

• Ky është ekonomisti që mbante prej muajsh të ngujuar familjen: Doja t’i kontrolloja
• Kishte montuar kamera në tualet, si 35-vjeçari mbante të mbyllura gruan e fëmijët