Dhuna nis nga familja, 41 raste të abuzimit seksual tek “Alo 116-111” në 5 vite

41 raste të dhunës dhe abuzimit seksual ndaj fëmijëve janë raportuar në 5 vite në linjën kombëtare të telefonit për fëmijë Alo 116-111. Drejtoresha e këtij institucioni Belioza Çoku thotë se situata është alarmantë pasi fëmijët kanë raportuar se 17 raste kjo dhunë ka ndodhur në familje.

“Faktet tregojnë se është rritur niveli i agresivitetit, është rritur niveli i bulizmit, është rritur niveli i konflikteve brenda shkollës familjes dhe komunitetit. Përsa i përket abuzimit seksual shifrat thonë që fëmijët deklarojnë që abuzimi seksual dhe abuzimi dhe dhuna fillimisht janë në familje pastaj vinte me 34% komuniteti dhe pastaj shkolla,”-tha Belioza Çoku, drejtore ekzekutive te Alo 116-111.

Mbi 800 mijë telefonat për shqetësime të ndryshme janë marrë nga Alo 116 në 14 vite, shumica e telefonuesve janë fëmijë të grupmoshës 13-15 vjeç. Djemtë janë më të shumtë në numër, por vajzat janë ato që raportojnë mbi shqetësime reale.

“Djemtë raportojnë më shumë përsa i përket abuzimit me susbstanca narkotike apo varësinë nga bixhozi, kërkojnë më shumë informacion për marrëdhënie ndërpersonale apo çështjet seksuale, por janë vajzat që raportojnë shqetësime reale, sa i përket marrëdhënieve të dhunës brenda në shkollë, të marrëdhënieve në familje të marrëdhënieve të shëndetit, ndërsa djemtë anojnë nga kjo pjesa tjetër nga siguria në internet dhe siguria në celular”,-tha Belioza Çoku.

Tre kategoritë më shqetësuese të problematikave që kanë raportuar vajzat, janë abuzimi, dhuna dhe bullizmi mes fëmijëve dhe adoleshentëve; shfrytëzimi për arsye përfitimi si dhe çështjet e marrëdhënieve familjare me mbi 5,589 raste vlerësimi dhe referimi.

LEXONI GJITHASHTU:

• Të akuzuar për rrëmbim dhe dhunë, ekstradohen nga Gjermania e Britania 2 shqiptarë
• Princ Leka denoncoi për “dhunë në familje”, Porokuroria e Tiranës nis hetimet