Kirurgu: Për 20 vite organet e derrit do i vendosen njeriut edhe në Shqipëri

Një ekip kirurgësh në Spitalin e Përgjithshëm të Masaçusets ka kryer pak ditë më parë transplantin e parë në botë të veshkës së derrit të modifikuar gjenetikisht te një njeri i gjallë.

Kirurgu Fabjan Mustafaj tha në emisionin tha në emisionin GoodMorning Albanians në Euronews Albania se do të duhet një kohë e gjatë, minimalisht 20 vjet kjo procedurë do të mund të aplikohet edhe në Shqipëri.

“Aplikimi i kësaj procedure do shumë vite, shumë kohë dhe zhvillime të shumta, kërkon 20 vite që të bëhet në Shqipëri, 30-40 vite, kërkon shumë, shumë kohë. Derrat të cilëve iu merren organet duhet të jenë të modifikuar gjenetikisht. Ka shumë kundërshti nga lëvizjet e kafshëve sa i përket kësaj procedure, ka shumë probleme si nga ana etike, ana ligjore, mjekësore nuk është aq e thjeshtë dhe rezultatet do i shikojmë mbas muajve dhe viteve”, tha mjeku.

LEXONI GJITHASHTU:

• Kirurgu Mustafaj: Njeriut iu vendos veshka e derrit, por nuk dihet sa do jetojë
• Veshka e derrit të modifikuar i vendoset njeriut, sa do funksionojë