Mblidhet Komisioni Hetimor i “TIMS”, Salianji: Synon kontrollin e zbatimit të ligjit

Është mbajtur këtë të martë mbledhja e Komisionit Hetimor për sistemin “TIMS”.

Kryetari i këtij komisioni, Ervin Salianji, deklaroi në fjalën hyrëse se ky hetim synon kontrollin e ligjshmërisë të veprimeve apo mosveprimeve të organeve dhe funksionarëve publik të ngarkuar në administrimin dhe mbrojtjen e të dhënave.

Ai theksoi se ky hetim do të synojë kontrollin e zbatimit të ligjit në fuqi.

“Sipas vendimit të Kuvendit ky hetim do të synojë kontrolli i ligjshmërisë të veprimeve apo mosveprimeve të organeve  dhe funksionarëve publik të ngarkuar në administrimin dhe mbrojtjen e të dhënave TIMS, problematika e krijuar me TIMS, veprimet dhe mosveprimet në krijimin e kësaj problematike. Ky hetim do të synojë kontrollin e zbatimit të ligjit në fuqi, nxjerrjen e përgjegjësive institucionale dhe vlerësimin e nevojës për marrjen e masave administrative ose ndërhyrje ligjore në legjislacionin përkatës. Objekti i punës së Komisionit Hetimor është shqyrtimi i çështjes lidhur me kontrollin  e veprimtarisë së institucioneve të ngarkuara me mbrojtjen e sistemit TIMS dhe vlerësimin e nevojës për marrjen e masave administrative apo ndërhyrjet ligjore në legjislacionin përkatës”-tha ai.

LEXONI GJITHASHTU: 

• Surpriza e madhe gjermane, klubi i kategorisë së tretë që synon finalen e Kupës
• Krasniqi për krerët e UÇK: Mund t’i burgosësh, por s’mund t’ua mohosh prezencën