Publikoi video intime të një shtetaseje të mitur, arrestohet 19-vjeçari nga Fieri

Një 19-vjeçar është arrestuar nga policia në Lushnjë pasi ka publikuar në rrjete sociale video intime të një shtetaseje të mitur.

Policia tha se pas kallëzimit të bërë në Komisariatin e Policisë Lushnjë, nga një shtetase 40 vjeçare, se një shtetas kishte publikuar në rrjetet sociale, një video të vajzës së saj të mitur 14 vjeçe, specialistët për Hetimin e Krimeve të këtij komisariati organizuan punën për zbardhjen e këtij rasti dhe vënien e autorit, përpara përgjegjësisë penale.

Në vijim të veprimeve procedurale për këtë rast, u kap dhe u vu në pranga shtetasi H. Ç., 19 vjeç, banues në Fier, pasi nga veprimet hetimore dyshohet se ka publikuar në rrjetet sociale, videon intime të 14-vjeçares.

Celulari i shtetasit H. Ç. u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

LEXONI GJITHASHTU:

• Dhunoi bashkëshorten dhe i publikoi videon intime në internet, arrestohet 29-vjeçari
• Publikohet video, tregon krisjen e marrëdhënies mes Putin dhe ministrit të Mbrojtjes