OBSH: 3500 vdekje në ditë nga Hepatiti, Shqipëria me përhapje të lartë

Jetët e humbura si pasojë e hepatit viral po njohin rritje në të gjithë botën si pasojë e mosdiagnostikimit në kohë të sëmundjes.

Raporti i fundit i hartuar nga Organizata Botërore e Shëndetësisë jep alarmin se çdo ditë 3500 persona humbin jetën si pasojë e infeksioneve  virale të mëlçisë.

Shqipëria ashtu si edhe vendet rajonit ka prevalencë të lartë të Hepatitit B dhe C.

Sëmundja e cila prek mëlçinë, nëse nuk trajtohet pason deri në kancer të mëlçisë.

Sipas Raportit Global të Hepatitit për vitin 2024, hepatitit viral është shkaku i dytë kryesor infektiv i vdekjeve në nivel global, me 1.3 milionë vdekje në vit, nga 1.1 milionë që ishte më parë. Nga këto, 83% u shkaktuan nga hepatiti B dhe 17% nga hepatiti C.

Referuar të dhënave të ekspertëve të OBSH, rreth 304 milionë njerëz jetonin me Hepatitin viral B dhe C në 2022. Infeksioni kronik i hepatitit B dhe C haset më shumë tek grupmosha 30-54 vjeç dhe meshkujt përbëjnë 58% të totalit të rasteve.

Hepatitet janë më të përhapur në disa grupe risku si tek përdoruesit e drogave intravenoze, hemofilikët dhe të politransfuzuarit, tek të cilët mund të arrijë 70-80%.

LEXONI GJITHASHTU:

• 1 në 3 gra të dhunuara, OBSH: Të moshuarat e ato me aftësi të kufizuara të prekura
• OBSH: 1 në 3 persona preken nga probleme neurologjike