Mbledhja e Konferencës së kryetarëve, Çuçi: Është zbatuar “Kushtetuesja” për Xhaçkën

Grupi Parlamentar i Partisë Socialiste Bledi Çuçi ka dhënë një deklaratë për mediat, pasi përfundimit të konferencës së kryetarëve e cila u mblodh këtë të hënë dhe u shoqërua me debate.

Çuçi në fjalën e tij theksoi se vendimi i Gjykatës Kushtetuese për mandatin e deputetes Olta Xhaçka është zbatuar.

Sipas tij Gjykata Kushtetuese nuk e detyron Kuvendin që ta çojë në Kushtetuese çështjen e mandatit të Xhaçkës.

“Të dyja vendimet që ka marrë, pra miratimi i relacionit të PS dhe hedhjen poshtë të relacionit të PD në atë kohë që i ka shfuqizuar Gjykata Kushtetuese, të dyja nuk janë në fuqi.  Pa diskutim vendimi Gjykatës është zbatuar. Me këtë frymë për ta çuar deri në fund këtë çështje, ne në Këshillin e Mandateve dhe rregullator morëm vendimin që të ia çojmë seancës plenare secili deputet. Mos bini pre e spekulimeve. Është zbatuar 100% vendimi i Gjykatës Kushtetuese. Nuk përmban vendimi i Gjykatës Kushtetuese ndonjë detyrim për parlamentin që ta sjellë me detyrim në Gjykatën Kushtetuese çështjen e mandatit të Olta Xhaçkës”-tha ai.

LEXONI GJITHASHTU: 

• Ambasadorja e izraelit në Shqipëri: Komuniteti ndërkombëtar të sanksionojë Iranin
• U mori jetën 6 personave, FBI nis hetimet për shembjen e urës në Baltimore të SHBA