Ambasadorja e izraelit në Shqipëri: Komuniteti ndërkombëtar të sanksionojë Iranin

Ambasadorja e Izraelit në Tiranë, Galit Peleg thotë se Izraeli nuk kërkon të hap një front të ri lufte, edhe pse e ka fuqinë për të bërë këtë. Pas sulmit të datës 14 prill, ajo thotë se bota duhet të shpallë sanksione për Iranin.

Komuniteti ndëkombëtar duhet të marrë masa për të sanksionuar Iranin. Kjo thirrje vjen nga ambasodrja e Izraelit në Tiranë, Galit Peleg, e cila sugjeron masa të forta për të ndaluar programin nuklear dhe për të shpallur organizatë terroristë gardën revolucionare Iraniane.

“Presim që Shqipëria dhe Komunitetit Ndërkombëtar të vazhdojnë me sanksionet ndaj Iranit, në mënryë që të mos zhvillojë qëllimin strategjik nuklear”.

Në intervistë me moderatoren Sidorela Gjoni, në Euroneës Albania, Peleg tha se Izraelit nuk i mungojnë kapacitetet për të nisur një luftë, por nuk dëshiron që ky sulm të bëhet shkas për të përkeqësuar situatën në rajon.

“Çështja kryesore tashmë është a do të marrë hak Izraeli apo jo? Unë besoj se ka një dilemë pasi nga një anë ne nuk duam të japim shkak për të përkeqësuar situatën në rajon dhe as nuk e kemi për qëllim të krijojmë një front lufte. Mirë është të mos i përsërisin sulme të tilla, të mos e provojnë më atë që provuan 24 orë më parë.

Ambasadorja Peleg foli edhe për qëndrimin që ka mbajtur Shqipëria, menjehërë pas sulmit, duke falënderuar autoritetet për mbështetjen ndaj shtetit të Izraelit.

LEXONI GJITHASHTU:

• Veçoritë e Izraelit dhe Iranit në fushën e mbrojtjes, kush është më i fortë
• Përplasja Izrael-Iran| Qëndrimi i Turqisë: Cilin shtet po mbështet Erdogan