Ushtria izraelite: Irani do të na zhdukte nga harta e botës me bombë nukleare…
Arye Sharuz Shalicar, zëdhënësi i Ushtrisë Izraelite në një lidhje të drejtpërdrejt për emisionin “Noë me Erla Mëhillin” në Euronews Albania, foli në lidhje me situatën në Izrael.
Ai theksoi se Izraeli ndodhet në një luftë në shumë fronte duke shtuar se sfidë për ta mbeten pengjet e marra nga Hamasi.
Përsa i përket sulmit të fundit ai theksoi se Irani që prej 40 vitesh premton se do e zhduk Izraelin nga faqja e dheut duke shtuar mes tjerash Irani mund të shndërrohet në fuqi nukleare.
“Izraeli prej shumë muajsh ndodhet në një luftë në shumë fronte, pra nuk përballet vetëm me Hamas dhe me luftën në rripin e Gazës, por dhe me sulme nga Siria, nga Jemeni dhe së fundmi dhe nga Irani. Është një sfidë e jashtëzakonshme për një vend kaq të vogël dhe mos të harrojmë dhe situatën nga pengjet e marrë nga terroristët dhe natyrisht ne duhet të përballemi me krizën e pengjeve si dhe me sulme të tjera e terrorin që përpiqet ta gjunjëzojnë Izraelin.
Më shumë se 300 mjete fluturuese sulmuan Izraelin, prej tyre mbi 200 ishin dronë kamikazë, një numër shumë i madh raketash, mbi të cilat mbi 100 ishin raketa balistike. U hodhën mbi 60 tonë lëndë eksplozive. Irani ka mbi 40 vjet që ka premtuar që do e fshijë Izraelin nga harta e botës dhe këtë sfidë e marrim seriozisht. Këtë e marrim shumë seriozisht dhe e dimë që Irani synon të shndërrohet në fuqi nukleare. Irani pajis me armë dhe aleatët e vet për të na sulmuar. Ne kemi një sistem me shumë shtresa mbrojtëse”-tha ai.
LEXONI GJITHASHTU:
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 12:37 Vuçiç konfirmon se do të shkojë në Mal të Zi për samitin BE-Ballkani Perëndimor
- 12:13 Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 12:12 SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur
- 12:10 Autobusi i linjës Durrës-Spitall përfshihet nga flakët në lëvizje
- 12:05 Zvërneci përplas PS-PD në Kuvend, Bido: Ku ishit më 30 maj, pse nuk folët?! Balliu: Ju folët vetëm pse doli videoja
- 11:55 Strazimiri përplaset me Lëvizjen Bashkë për protestën: 70% e qytetarëve ishin demokratë