4 bileta në Europa League: Milan e Liverpool synojnë përmbysjen

Emocionet e futbollit evropian vijojnë dhe këtë të enjte me Europa League, aty ku luhen 4 çerekfinalet që priten me shumë interes. Rezultatet e ndeshjeve të para bëjnë që sot spektakli të garantohet në të 4-ta stadiumet. Në Olimpico të Romës, kuqezinjtë e Piolit kanë si synim përmbysjen ndaj të besuarve të De Rossit, me sfidën e parë që u mbyll në shifrat 1-0. Kuqezinjtë në ndeshje ne fundit në ligë barazuan me Sassuolon, ndërsa Roma me Udinesen, ndeshje që u ndërpre me dëmtimin e Ndicka. Ky i fundit është një prej mungesav të kryeqytetasve në këtë sfidë që luhet në një stadium të tejmbushur, ndërsa vetëm njëra skuadër ka shancin për më tej.

Paralelisht luhet edhe në Bergamo, aty ku Atalanta pas atij rezultati ëndrrash në Anfield, do të bëjë gjithçka për ta ruajtur, e kaluar më tej. Liverpool e ka treguar më herët se edhe diferenca me 3 gola nuk është një problem, ku në të shkuarën përmbyste Barcelonën në 4-0. Por edhe ndaj vetë bergamaskëve e ka bërë dicka të tillë duke u shënuar 5 herë në shtëpi.

Marsejë-Benfica e West Ham-Leverkusen po ashtu janë ndeshje me shumë interes, ku kampionët e rinjë të Gjermanisë udhëtojnë drejt Anglisë pas asaj fitore 2-0 në shtëpi. Një sezon i gjithi thuajse pa humbje garanton se aspirinat do të kalojnë më tej edhe në këtë sprovë. Në Francë gjithcka është e hapur edhe pse portugezët triumfuan në shtëpi 2-1.

LEXONI GJITHASHTU:

• Dy gjysmëfinalistët e parë në Champions League, “dhimbje” në Madrid
• “Dramë” në Champions, kampionët dorëzojnë trofeun, Bayern kalon Arsenalin