“Partia e Lirisë ka shpërthyer”/ Lela: Nuk dihej se ku ishte deri tani

Për të kuptuar se çfarë mendojnë qytetarët për organizimin e opozitës përpara zgjedhjeve të përgjithshme të 2025, Barometri në Euronews Albania ju ka drejtuar një tjetër pyetje për koalicionin e madh kundër qeverisë që qytetarët konfirmojnë si një lëvizje të duhur të opozitës.

“Nëse bashkohet PD a duhet të bëhet pjesë e këtij bashkimi edhe Partia e Lirisë në një koalicion të madh kundër qeverisë“

Shumica e qytetarëve nuk duan që Partia e Lirisë të jetë pjesë e këtij bashkimi.

Ndërkohë analisti  Alfred Lela i ftuar në emisionin “Barometri” në Euronews Albania, theksoi se qytetarët tashmë duan një model të ri.

Përsa i përket Partisë së Lirisë, ai theksoi se kjo e fundit ka pasur paqartësitë e veta prej një viti dhe ka shpërthyer këto ditë, referuar daljeve televizive të Ilir Metës dhe deklaratat e tij.

“Duan një model të ri. Jam për bashkimin me të gjithë. Kurrizin e Shqipërisë nuk e mban dot një person. Opozita ka nevojë për figura të reja. PL ka një tundim politik për të renë, ka një traumë nga zgjedhjet e shkuara. Nuk është një  traumë e shkaktuar nga Meta dhe nga PL por nga Rilindja dhe qeveria.

Është trauma e demokratit që shkon për të votuar dhe nuk sheh kryetarin e partisë së vet po demokrati shkon dhe voton për atë që i ka thënë Edi Rama të votojë. Ka  një paqartësi te PL dhe unë mendoj se kjo reflektohet te gjetjet e “Barometri”. Prej një viti PL ka pasur paqartësitë e veta që dolën dhe kulmuan këto ditët e fundit. Kemi parë një PL që nuk e dinim ku ishte”-tha ai.

LEXONI GJITHASHTU: 

• Kongres, paketa e ndihmës Ukrainë-Izrael drejt një votimi të shtunën
• Debat në OKB: Gjenocidi në Srebrenicë të dënohet globalisht