Dyshohet se morën para për një ndërtim pa leje, në kërkim 2 zyrtarë të IMT Elbasan

Kryeinspektori i Inspektoratit të Mbrojtjes së Territorit në Elbasan dhe një inspektor i këtij institucioni, janë shpallur në kërkim nga Policia, pasi ndaj tyre Gjykata ka vendosur “arrest me burg”.

Zyrtarët dyshohet se kanë marrë ryshfet për një objekt të ndërtuar pa leje në qytetin e Elbasanit.

Ata akuzohen për veprat penale “Shpërdorimi i detyrës” dhe “Korrupsioni pasiv i personave që ushtrojnë funksione publike”.

Ndërkohë materialet procedurale i kaluan Prokurorisë, ndërkohë që vijon puna intensive për kapjen e këtyre 2 shtetasve.

Njoftimi i Policisë:

DVP Elbasan-Specialistët e Sektorit për Hetimin e Krimeve Ekonomike dhe Financiare në Drejtorinë Vendore të Policisë Elbasan shpallën në kërkim shtetasit A. M., 38 vjeç, me detyrë kryeinspektor në IMT Elbasan dhe B. Q., 50 vjeç, inspektor në IMT Elbasan.

Për këta dy shtetas, Gjykata e Shkallës së Parë e Juridiksionit të Përgjithshëm Elbasan ka caktuar masën e sigurisë “Arrest në burg”, për veprat penale “Shpërdorimi i detyrës” dhe “Korrupsioni pasiv i personave që ushtrojnë funksione publike”.

Ata dyshohen se në muajin prill 2024, nuk kanë kryer detyrat funksionale për një objekt të ndërtuar pa leje, në lagjen “28 Nëntori”, Elbasan, dhe kanë marrë rryshfet për këtë favorizim.

Materialet procedurale i kaluan Prokurorisë, ndërkohë që vijon puna intensive për kapjen e këtyre 2 shtetasve.

LEXONI GJITHASHTU:

• Lejuan ndërtime pa leje, dënohen 2 kryeinspektorët e 2 inspektorët e IKMT në Lushnje
• Shtyhet vendimi i Kushtetueses për ndërtimet pa leje, shkak firmat e Dumës e Rushaj